𝗙𝗜𝗧𝗦𝗔𝗕𝗢𝗔𝗡𝗔 𝗠𝗔𝗡𝗔𝗞𝗔𝗜𝗞𝗬 𝗩𝗔𝗛𝗢𝗔𝗞𝗔: 𝗙𝗜𝗧𝗢𝗞𝗔𝗡𝗔𝗡𝗔 𝗡𝗬 𝗖𝗦𝗕 𝗜𝗜 𝗔𝗡𝗧𝗦𝗜𝗥𝗔𝗕𝗘 𝗔𝗩𝗔𝗥𝗔𝗧𝗥𝗔 – 𝗙𝗔𝗥𝗜𝗧𝗥𝗔 𝗩𝗔𝗞𝗜𝗡𝗔𝗡𝗞𝗔𝗥𝗔𝗧𝗥𝗔

Araka ny narahantsika mivantana teto amin’ny pejy dia notokanan’ Andriamatoa Filohan’ny Repoblika Andry RAJOELINA omaly 11 desambra 2021 ny CSB II Manarapenitra Antsirabe Avaratra.

“ 𝗡𝘆 𝗼𝗹𝗼𝗻𝗮 𝗿𝗲𝗵𝗲𝘁𝗿𝗮 𝗶𝘇𝗮𝘆 𝘁𝗿𝗮𝘁𝗿𝘆 𝗻𝘆 𝘁𝘀𝘆 𝗳𝗮𝗵𝗮𝘀𝗮𝗹𝗮𝗺𝗮𝗻𝗮 𝗮𝗻𝗶𝗲 𝗸𝗮 𝗿𝗲𝗵𝗲𝗳𝗮 𝗺𝗶𝗱𝗶𝘁𝗿𝗮 𝗲𝘁𝗼 𝗮𝗺𝗶𝗻’𝗶𝘁𝘆 𝗖𝗦𝗕 𝗜𝗜 𝗶𝘁𝘆 𝗱𝗶𝗮 𝗵𝗮𝗵𝗮𝘇𝗼 𝗳𝗮𝗵𝗮𝘀𝗮𝗹𝗮𝗺𝗮𝗻𝗮 𝗮𝘃𝗼𝗸𝗼𝗮, 𝗻𝘆 𝗥𝗲𝗻𝘆 𝗿𝗲𝗵𝗲𝘁𝗿𝗮 𝗶𝘇𝗮𝘆 𝗺𝗶𝘁𝗼𝗻𝗱𝗿𝗮 𝘃𝗼𝗵𝗼𝗸𝗮 𝗸𝗮 𝗵𝗶𝘁𝗲𝗿𝗮𝗸𝗮 𝗲𝘁𝗼 𝗮𝗺𝗶𝗻’𝗶𝘁𝘆 𝘁𝗼𝗲𝗿𝗮𝗻𝗮 𝗶𝘁𝘆 𝗱𝗶𝗮 𝗵𝗮𝗵𝗮𝘇𝗼 𝗳𝗮𝗵𝗮𝘀𝗼𝗮𝘃𝗮𝗻𝗮, 𝗵𝗼 𝘁𝗲𝗿𝗮𝗸𝗮 𝘀𝗼𝗮 𝗮𝗺𝗮𝗻-𝘁𝘀𝗮𝗿𝗮 𝗻𝘆 𝘇𝗮𝗻𝗮𝗸’𝗶𝘇𝘆 𝗶𝗿𝗲𝗼 ” hoy Andriamatoa Filohan’ny Repoblika raha nitso-drano ity CSB II vaovao ity, izay iray amin’ireo CSB II Manarapenitra miisa 7 naorina ao amin’ny Faritra Vakinankaratra.

Amin’ny maha CSB II azy izay, dia maro ireo tolotra ara-pahasalamana azon’ny vahoaka sitrahana ao, toy ny tolotra fitsaboana ankapobeny, fanaraha-maso ny fahasalaman’ny Reny sy ny zaza, fampiterahana, fandrindrana fiainam-pianakaviana, fanaovam-baksiny, ary torohevitra ara-pahasalamana samihafa.

Nambarany ihany koa nandritra ny Kabary izay nataony nanoloana ireo vahoaka izay tonga nanome voninahitra ny lanonam-pitokanana fa “𝗺𝗮𝗶𝗺𝗮𝗶𝗺𝗽𝗼𝗮𝗻𝗮 𝗻𝘆 𝗳𝗶𝘇𝗮𝗵𝗮𝗺-𝗽𝗮𝗵𝗮𝘀𝗮𝗹𝗮𝗺𝗮𝗻𝗮, 𝗻𝘆 𝗳𝗶𝘁𝘀𝗮𝗯𝗼𝗮𝗻𝗮 𝗻𝘆 𝘇𝗮𝘇𝗮 𝗹𝗮𝘁𝘀𝗮𝗸𝘆 𝗻𝘆 𝟱 𝘁𝗮𝗼𝗻𝗮, 𝘀𝘆 𝗻𝘆 𝗥𝗲𝗻𝘆 𝗯𝗲𝘃𝗼𝗵𝗼𝗸𝗮, 𝗺𝗶𝘁𝗮𝗶𝘇𝗮 𝗸𝗲𝗹𝘆 𝗮𝗿𝘆 𝗻𝘆 𝗳𝗶𝘁𝗲𝗿𝗮𝗵𝗮𝗻𝗮 𝗲𝗼 𝗮𝗻𝗶𝘃𝗼𝗻’𝗶𝗼 𝗧𝗼𝗯𝗶𝗺𝗽𝗮𝗵𝗮𝘀𝗮𝗹𝗮𝗺𝗮𝗻𝗮 𝗳𝗼𝘁𝗼𝘁𝗿𝗮 𝗶𝗼”.

Fokontany miisa 06 izay ahitana mponina manodidina ny 31.469 no hahazo tombotsoa ara-pahasalamana mivantana noho ny fahavitan’izao CSB II vaovao izao, izay ahitana efitra 7 sy fandriana miisa 7. Efa vonona ireo mpiasan’ny fahasalamana hiasa ao an-toerana koa manasa antsika vahoaka ho tonga maro hisitraka ny fisian’izao Tobimpahasalamana vaovao izao.

Nisaotra an’ Andriamatoa Filohan’ ny Repoblika, Andriamatoa Minisitry ny Fahasalamam-bahoaka raha nandray fitenenana noho ny fanaovany ho zava-dehibe ny Fahasalamam-bahoaka ary nanome toky ny tenany fa hiezaka ny mpiasan’ny fahasalamana hikajy tsara ny fananana iombonana mba haharitra araka ny niheverana azy.

Mitohy hatrany ny fanatanterahana ny velirano fahadimy manerana ny toerana maro eto amin’ny Nosy ary tsy hisy distrika ho adino na dia iray aza, araka ny nambaran’ Andriamatoa Filohan’ny Repoblika Andry RAJOELINA hatrany.

SCM/DIRCOM-MSANP