𝗙𝗜𝗔𝗥𝗔𝗛𝗔𝗠𝗜𝗔𝗦𝗔 𝗔𝗠𝗜𝗡’𝗡𝗬 𝗠𝗣𝗜𝗔𝗥𝗔𝗠𝗜𝗢𝗠𝗕𝗢𝗡𝗔𝗡𝗧𝗢𝗞𝗔 : 𝗡𝗼𝘁𝗼𝗹𝗼𝗿𝗮𝗻𝗮 𝗺𝗮𝗿𝗶-𝗯𝗼𝗻𝗶𝗻𝗮𝗵𝗶𝘁𝗿𝗮 𝗻𝘆 𝗦𝗼𝗹𝗼𝘁𝗲𝗻𝗮 𝗺𝗮𝗵𝗮𝗿𝗶𝘁𝗿𝘆 𝗻𝘆 𝗙𝗶𝗸𝗮𝗺𝗯𝗮𝗻𝗮𝗺-𝗯𝗲 𝗶𝗿𝗮𝗶𝘀𝗮𝗺𝗽𝗶𝗿𝗲𝗻𝗲𝗻𝗮 𝗵𝗼 𝗮𝗻’𝗻𝘆 𝗳𝗮𝗵𝗮𝘀𝗮𝗹𝗮𝗺𝗮𝗻𝗮 (𝗢𝗠𝗦) 𝗻𝗶𝗮𝘀𝗮 𝘀𝘆 𝗻𝗼𝗻𝗶𝗻𝗮 𝘁𝗲𝘁𝗼 𝗠𝗮𝗱𝗮𝗴𝗮𝘀𝗶𝗸𝗮𝗿𝗮.

Handao an’i Madagasikara tsy ho ela, ny Profesora Charlotte FATY NDIAYE, Solotena maharitry ny « OMS » rehefa avy namita iraka nandritra ny enin-taona teto amintsika.

Ho fankasitrahana ireo zava-bitany teo amin’ny sehatry ny fahasalamam-bahoaka teto Madagasikara dia notoloran’ ny Fitondram-panjakana Malagasy mari-boninahitra « Chevalier de l’Ordre National Malagasy » izy, androany maraina teny amin’ny Ministeran’ny Raharaham-bahiny Anosy nandritra ny lanonana ofisialy fanaovam-beloma azy.

Naneho ny fahafaham-pony tamin’ireo asa niaraha-nanao nandritra izay fotoana niasany teto izay ny tenany ary nasongadiny tamin’izany ny ady sarotra natrehina tamin’ny fotoana nampivaivay ny valanaretina pesta, kitrotro fa indrindra ny COVID-19.

Anisany ihany koa ny fampidirana ireo karazam-baksiny ; ny fijerana manokana ny fahasalaman’ny Reny sy ny Zaza ; ny fandrindrana ny fiainam-pianakaviana ; ny ady amin’ny tsifanjariantsakafo any Atsimo, izay tena tsapany fa nataon’ny Fitondram-panjakana vaindohan-draharaha manokana.

Tonga nanome voninahitra ny lanonana ofisialy fanaovam-beloma azy, ny Minisitry ny Fahasalamam-bahoaka, Prof. RANDRIAMANANTANY Zely Arivelo ; ny Minisitry ny Raharaham-bahiny, Patrick RAJOELINA, ireo Masoivoho vahiny ary ireo Tomponandraikitra isan-tsokajiny eo anivon’ny Fianakaviamben’ ny Firenena mikambana miasa sy monina eto Madagasikara.

SCM/DIRCOM-MSANP