𝗙𝗔𝗠𝗜𝗡𝗗𝗥𝗔𝗠-𝗣𝗜𝗧𝗔𝗡𝗧𝗔𝗡𝗔 𝗘𝗧𝗢 𝗔𝗡𝗜𝗩𝗢𝗡’𝗡𝗬 𝗠𝗜𝗡𝗜𝗦𝗧𝗘𝗥𝗔𝗡’𝗡𝗬 𝗙𝗔𝗛𝗔𝗦𝗔𝗟𝗔𝗠𝗔𝗠-𝗕𝗔𝗛𝗢𝗔𝗞𝗔

𝗔𝗺𝗯𝗼𝗵𝗶𝗱𝗮𝗵𝘆, 𝗔𝗹𝗮𝘁𝘀𝗶𝗻𝗮𝗶𝗻𝘆 𝟮𝟰 𝗷𝗮𝗻𝗼𝗮𝗿𝘆 𝟮𝟬𝟮𝟮 I Tontosa androany tolakandro teto amin’ny efitrano fivorian’ny Ministeran’ny Fahasalamam-bahoaka ny famindram-pitantanana teo amin’ny Sekretera Jeneraly teo aloha, Dr RAKOTONANDRASANA Adolphe sy ny Sekretera Jeneraly vaovao, Dr YASMINE Lethicia Lydia.

Nanome voninahitra izany, Ramatoa Talen’ny Kabinetran’ ny Ministeran’ny Fahasalamam-bahoaka, nisolo tena an’ Andriamatoa Minisitra izay mamita iraka any ivelany; notronin’ ny Loholon’i Madagasikara avy ao amin’ny Faritra DIANA sy ny Solombavambahoakan’i Madagasikara voafidy tao amin’ny distrikan’i Nosy Be ary ireo tompon’andraikitra isan-tsokajiny eto amin’ny Ministera foibe.

Misaotra ny Sekretera Jeneraly teo aloha ary mirary soa ho an-dRamatoa Sekretera Jeneraly vaovao hahavita soa ny andraikitra izay miandry azy amin’ny fampandrosoana ny fahasalamam-bahoaka sy ny tanindrazana iombonana.

SCM/DIRCOM-MSANP