Asabotsy 23 Aprily 2022
Fidinana ifotony notanterahan’ny Delegasiona zay tarihan’ Andriamatoa Ministry ny Fahasalamam-bahoaka, Profesora Zely Arivelo RANDRIAMANANTANY nijery akaiky ny zava-misy momba ny rafi-piantohana ara-pahasalamana ifotony na « mutuelle de santé communautaire ».
Ny Fitondram-panjakana 
ankehitriny amin’ny alalan’ny Ministeran’ny Fahasalamam-bahoaka hotronin’ireo Mpiara-miombon’ antoka dia tsy mitsahatra mikatsaka sy mametraka ireo lamina sy paik’ady rehetra ahatratrarana ny tanjona momba izany fanamby lehibe izany. Ary nijery ny fandraisana andraikitra ataon’ ny fokonolona amin’ny fitsinjovana ny fahasalamana, amin’ny famoronana rafi-piantohana ara-pahasalamana ifotony na « mutuelle de santé communautaire ».
Mpikambana amin’ny VSLA 9 fokontany amin’ny fokontany 11 no nivondrona nanomboka ny volana novambra 2021 ary nanohy ireo ezaka efa vita tamin’ny taona 2019. Tsapa fa mitsinjo sahady ny fandraisana an- tanana ny fahasalamana ny vahoakan’Antsahanoro amin’ny fandoavana latsakemboka mialoha hisorohana ny mety ho fahasahiranana na fivarotana fananana rehefa marary.
Hatreto dia eo amin’ny CSB aloha no voasahan’ izany fiantohana izany. Fahasalamana ho an’ny daholobe tsy ankanavaka na aiza na aiza no misy azy eto Madagasikara no Veliranon’ny Filohan’ny Repoblika Andry RAJOELINA tamin’ny vahoaka Malagasy, ary tsy anavahana sokajin-taona io, na sokajin-tsaranga. Mirindran-dalana amin’ny politikan’ny Fanjakana araka izany ny firosoana amin’ny fametrahana rafitra izay miahy ny ara-pahasalamana toy izao.Paikady iray mahomby ihany koa ahafahana mitsinjo ny fahasahiranana sy ny fahazoana tolotra ara-pahasalamana tsara kalitao.
