𝗙𝗔𝗡𝗞𝗔𝗟𝗔𝗭𝗔𝗡𝗔 𝗡𝗬 𝗔𝗡𝗗𝗥𝗢 𝗠𝗔𝗡𝗘𝗥𝗔𝗡𝗧𝗔𝗡𝗬 𝗜𝗔𝗗𝗜𝗔𝗡𝗔 𝗔𝗠𝗜𝗡’𝗡𝗬 𝗧𝗔𝗭𝗢𝗠𝗢𝗞𝗔 – 𝗙𝗔𝗥𝗜𝗧𝗥𝗔 𝗔𝗡𝗔𝗟𝗔𝗠𝗔𝗡𝗚𝗔

Ny ekipan’ny Fitaleavam-paritry ny Fahasalamam-bahoaka Analamanga, izay notarihin’ny Tale Dr Laliharisoa RAHARIMAMONJY, dia nisafidy ny CSB II Ambohitsoa nanatanterahana ny fankalazana.

Ny CSB II Ambohitsoa dia isan’ireo Tobimpahasalamana nahitana tranga tazomoka teto an-drenivohitra. Nisy araka izany ny fanentanana izay nataon’ny ekipan’ny DRSP hanamafisana ny ady amin’ny tazomoka.

Etsy andaniny dia nanararaotra nitondra ny anjara biriky ihany koa ny ekipan’ny DRSP Analamanga amin’ny fanatanterahana ny asa Tagnamaro teny an-toerana, ary nifarimbona izy ireo niaraka tamin’ireo mpiasan’ny fahasalamana nanadio ity Tobimpahasalamana fototra ity, ary nanavao ara-loko ireo takelaby izay efa tranainy avokoa.

——

——

« Ampanjakao ny fitoviana, hamafiso ny fiarenana, foano ny Tazomoka. »

: SCM/DIRCOM-MSANP