« 𝗣𝗥𝗢𝗠𝗘𝗦𝗦𝗘 𝗣𝗥𝗘𝗦𝗜𝗗𝗘𝗡𝗧𝗜𝗘𝗟𝗟𝗘 – 𝗖𝗛𝗥𝗗 𝗔𝗡𝗢𝗦𝗜𝗕𝗘 𝗔𝗡’𝗔𝗟𝗔 « : 𝗧𝗢𝗡𝗚𝗔 𝗔𝗡𝗬 𝗔𝗡-𝗧𝗢𝗘𝗥𝗔𝗡𝗔 𝗡𝗬 « 𝗥𝗔𝗗𝗜𝗢𝗚𝗥𝗔𝗣𝗛𝗜𝗘 𝗡𝗨𝗠𝗘𝗥𝗜𝗤𝗨𝗘 »

Herinandro vitsivitsy taorian’ny fitsidihan’ny Filoham-pirenena Andry RAJOELINA ny Distrikan’Anosibe an’Ala izay nitsidihany ny CHRD ary nampanantenainy « Radiographie Numérique » ho an’ity hopitaly ity dia tanteraka soa aman-tsara izany ankehitriny, ka ny 04 Aprily 2022 lasa teo no nanatanterahana ny fandraisana tamin’ny fomba ofisialy ity fitaovam-pitarafana raitra dia raitra ity.

Tonga nanome voninahitra izany ireo olom-boafidy sy olom-boatendry ary ny vahoaka ao amin’ny Distrikan’Anosibe an’Ala.

Ezaka manokana mba hahazoan’ny vahoaka misitraka tolotra ara-pahasalamana tsara kalitao sy akaiky ny vahoaka izao tontosa

izao, sady ho fanatanterahana rahateo amin’ny Velirano fahadimin’ny Filoham-pirenena : « Fahasalamana ho an’ny rehetra, tsy anavahana sokajin-taona ». Vahoaka marobe no hahazo tombontsoa amin’ny fisian’ity fitaovana fitarafana vaovao sy avo lenta ity manomboka izao.

Nankasitraka izao fanomezana izao ny vahoaka sy ny tomponandraiki-panjakana ao an-toerana satria afa-pahasahiranana izy ireo ary tsy voatery mandeha lavitra be intsony vao afaka hisitraka izany.